Mii fertet dustet jiekŋameari rievdadusaid fágarasttildeaddji čovdosiiguin. Dan oaivvilda UiT-professor Paul Wassmann.
Son lea Whither the Arctic Ocean? váldodoaimmaheaddji, mii almmuhuvvui miessemánu 4. beaivvi.
– Lea dárbu lagat ovttasbargui gaskal dábálaš iešguđet fágaid ja luonddu-, servodat-, stádadieđálaš-, sosiálaantropologiija ja jođiheami perspektiivvas, lohká Paul Wassmann UiT – Norgga árktalaš universitehtas.
Son lea árktalaš ja mariidnabiologiija professor ja lea eanaš áiggi iežas dutkanbarggus dutkan mii dáhpáhuvvá Arktiissas ja erenoamážit jiekŋamearas.
– Daid guovlluin oaidnit mii stuorámus dálkkádatrievdamiid váikkuhusaid. Áhpejiekŋa suddá, čáhci lieggana ja elliidšlájat johtigohtet nuppiid báikkiide. Dat rievdadeamit váikkuhit maiddái hirbmat olu eará guovlluide máilmmis, dadjá Wassmann.
Son álggahii barggu čállit dán girjji mealgat ovdal go ON almmuhii iežaset ON logi jagi áhpedutkama. Son lohká ii leat vejolaš hálddašit juoidá maid ii dovdda ja máhte.
