-Almmuhus-
-Almmuhus-
OĐĐASATRávve biilla diktit orrut maŋŋel juovlabeavddi

Rávve biilla diktit orrut maŋŋel juovlabeavddi

-

-

– Leat ollugat geat árvvoštallet boastut go vuoddjájit biillain beaivvi maŋŋel go leat leamašan juovlabeavddis, ja mátki manná hejot, lohká Rusfri Trafikk MA generálačálli Elisabeth Fjellvang Kristoffersen.

Lohku njiedjá sin gaskkas geat duššet lihkohisvuođain, muhto aŋkke duššet 100 olbmo johtolagas juohke áidna jagi. Unnimusat juohke njealját jápminlihkohisvuođas lea gárihuhttinávnnas oassin.  Dat lea sivvan manne politiijat lasihit promilladárkkistusaid juovlamánus, earenoamážit vahkkoloahpain.

 

Ii nu go doaivut

Dađi bahábut leat ollugat geat gártet sorbmái ovdal juovlabasiid. Sii juhket eanet go lávejit, eai ge dieđe man guhká ádjána ovdal go alkohola jávká rupmašis. Nu čohkkedit biilii vaikko lea ain promilla varas.

 – Norggas ii dohkkehuvvo gárrenoaivvis vuodjit biillain, muhto alkohola ii luoitte rupmaša nu jođánit go mii doaivut, ja promilla dahká min várálažžan, lohká Fjellvang Kristoffersen.

 

Ortnegis ávžžuhit bargoustibiid

 Son muittuha ahte juohkehaččas lea ovddasvástádus johtolagas juovllaid. Maiddái bargosaji jođiheddjiin geat bovdejit juovlabeavdái searvat. Rámmat galget leat oadjebasat.

– Ordnejehket sáhtu máŋgasiidda oktanaga ja mávsse sáhtu sidjiide gean dan dárbbašit, ja jus juhket alkohola, de lea ortnegis ávžžuhit bargoustibiid diktit biilla orrut nuppe beaivvi, ávžžuha váldočálli.

 

Oktasaš ovddasvástádus

Lea dehálaš ahte buohkat dovdet oadjebassan ahte dat vuoddjit geat deivet johtolagas leat čilgosat.

– Ii okta ge galgga jápmit dahje bahut roasmmohuvvat gárrenvuodjimiid dihte. Dat lea min oktasaš ovddasvástádus, lohká Fjellvang Kristoffersen. 

-Almmuhus-