Rávvagat mo olles­olbmot sáhttet mánái­guin hállat soađi ja atoma­bombba birra

Dearvvašvuođadirektoráhta lea ráhkadan rávvagiid mo ollesolbmot sáhttet hállat mánáiguin Ukraina dili birra, soađi birra ja balu atomabombba luoitima birra. Dát rávvagat leat jurddašuvvon sihke váhnemiidda ja olbmuide geat barget mánáiguin.

Dat eahpesihkkaris dilli mii dál lea Eurohpás ja riska ahte atomalihkohisvuođat sáhttet dáhpáhuvvat, sáhttet leat balddihahttit sihke rávisolbmuide, nuoraide ja mánáide, čállá Trøndelága stáhtahálddašeaddji preassadieđáhusas.

Dearvvašvuođadirektoráhta ja Nationála máhttoguovddáš veahkaválddi ja traumahtalaš huša birra (NKVTS) leat ráhkadan rávvagiid mo ollesolbmot sáhttet mánáiguin hállat soađi birra ja atomabomba luoitin balu birra. Dát rávvagat leat jurddašuvvon sihke váhnemiidda, fuolahusolbmuide ja ámmátolbmuide nu go oahpaheddjiide, mánáidgárdebargiide ja dearvvašvuođabargiide. 

• Rávvagat váhnemiidda mo sáhttá mánáiguin ja nuoraiguin hállat soađi ja atomabombalihkohisvuođa balu birra – Helsenorge

• Rávvagat ámmátolbmuide: Ná sáhtát hállat mánáiguin ja nuoraiguin soađi birra ja atomabombalihkohisvuođa balu birra – Helsedirektoratet