Rávdnjenšiehtadusa bokte sáhttet valáštallansearvvit ja sierralihtut tinet ruđa.
Norges idrettsforbund (NIF), Norgga Valáštallanlihttu, dieđiha preassadieđáhusa bokte ahte dál leat šiehtadan rámmašiehtadusa JOYMO fitnodagain.
Dat mearkkaša ahte valáštallansearvvit ja sierralihtut miehtá Norgga oidnogohtet buorebut ja ožžot ođđa tinenvejolašvuođaid. JOYMO fitnodat leat ráhkadan čovdosa mo njuolga sáhttá rávdnjut, analyseret, redigeret ja juohkit filbmabáddemii.
Dál šaddá vejolašvuohta njuolga sáddet rávdnjema bokte gilvvohallamiid ja eará doaluid valáštallanbáikkiid fásta kámera bokte. Dán rávdnjema bokte besset iežas olbmot, fuolkkit, čuovvoleaddjit ja earát geat eai sáhte boahtit, čuovvut gilvvohallamiid ja doaluid. Juohke vuvdon digitála bileahtain golget ruđat valáštallamii. Nu sáhttet maid searvvit šaddat buorren báikin báikkálaš ealáhusaide ruhtadit valáštallamiid.