Norgga TV-ságastallanshowa čáhkkehii saji sámi musihkkii ja SlinCrazii duorastaga.
Norgga TV-ságastallanshowa čáhkkehii saji sámi musihkkii ja SlinCrazii duorastaga.
Duorastat eahkeda TV2 kanála prográmmas «Aktiv på Dagtid» ovdanbuvttii Guovdageainnu artista SlinCraze, dahje Nils Rune Utsi, iežas musihka.
Prográmmajođiheaddji ja komihkar Lars Berrum muitala son fuomášii SlinCraze albmaládje maŋŋel diimmá riejaid das go sámi musihkka ii čuojahuvvo NRK P3 kanálas.
Guossit geain ii bargu beaivet
«Aktiv på Dagtid» lea prográmma mas prográmmajođiheaddji Lars Berrum rahpá iežas ásodaga gussiide juohke vahkku.
Danne go sus leat álo leamaš dakkár barggut main lea friddja beaiveáigge, de bovde guossin earáid geain iige leat bargu beaivet.
Háliidii sámi musihka
Berrum lohká vaikko ii lean gullan sámi musihka, de mearridii ahte su prográmmas galgá leahkit sámi musihkka mielde.
– Maŋŋel go lean gullan SlinCraze de in sáhte ipmirdit manne son ii leat čuojahan eará Norgga ságastallanshowain. Dat lea hui erenoamáš, muhto dat lea sámegillii.
Sámit oassin Norggas
Son lohká lea issoras heittot jus lea dat mii hehtte olbmuid, go sámit leat oassin Norggas.
– Mun goit iežan bealis lean nu rámis go lean dat vuosttaš ságastallanshow mii čáhkkehan saji SlinCrazii, muhto seammás lea dat heittot go lean vuosttaš, lohká Lars Berrum.
