-Almmuhus-
OĐĐASATRámida Álttá suohkana ássiid 

Rámida Álttá suohkana ássiid 

-

-

Álttás ii leat badjel guovtti vahkkui ovttasge duođaštuvvon korona, ii ge oktage leat isolašuvnnas šat. 

Álttás ii leat duođaštuvvon korona skábmamánu 24. beaivvi rájes, dieđiha Álttá suohkandoavttir Peder Halvorsen. Dál ii leat oktage isolašuvnnas ge. Beaivválaččat iskojuvvojit 25 olbmo. Dan čállá Álttá suohkan preassadieđus.

Álttá suohkanássiide lea olu rápmi. Suohkana sátnejođiheaddji čállá ahte ássit leat duođalažžan váldán dili maŋŋá go korona leavvagođii skábmamánu gaskamuttus. Ovttas leat ássit nagodan oažžut logu njiedjat. Son maid rámida go olbmot leat rahpasit ja rehálaččat juohkán dieđuid njoammunguorranjovkui. Dát lea dagahan ahte leat sáhttán hehttet eanet njoammuma.

Mannan mánus váldui geavahussii ođđa báikkálaš njuolggadus mii bisttii skábmamánu 12. beaivvis gitta juovlamánu 7. beaivái. Ii oktage rihkkon báikkálaš guosselogu njuolggadusa. Dál lea suohkan sihkkon báikkálaš mearrádusa, ja dál leat nationálalaš njuolggadusat gustovaččat.  

Dás gávnnat nationála njuolggadusaid: Avstand og færre kontakter

-Almmuhus-