Ráissa suohkanis dieđihit ahte koronavirus lea duođaštuvvon golbmasis.
Maŋŋebárgga borgemánu 24. beaivvi duođaštuvvui koronavirus golmma olbmos Ráissa suohkanis.
Koronavirus lea earret eará njommon muhtin Davvi-Romssa joatkkaskuvla oahppái Hánssagiettis. Lea mearriduvvon ahte čađahit koronaiskosa buot skuvlla valáštallansuorggi ohppiin.
Ráissa suohkan dieđiha preassadieđáhusas ahte jotket njoammunguorrama ja iskamiid vai nagodivččii bissehit koronaleavvama.
Suohkandoavttir ávžžuha olbmuid doallat gaskka ja čađahit koronaiskosa jus dovdet dávdamearkkaid.
