Porsáŋggu gielda ja Finnmárkkuopmodat leaba dohkkehan šiehtadusa Dulerođuguolbba industriijaguovllus Leavnnjas.
– Dat šiehtadus sihkkarastá einnostahttivuođa Porsáŋggu gildii ja váldá vuhtii FeFo guhkitáigge dárbbu. Mii leat movttegat dáinna šiehtadusain, lohká direktevra Jan Olli.
Šiehtadusas lea 77 dekára sturrosaš guovlu ja addá Porsáŋggu gildii vejolašvuođa ovdánahttit ja heivehit saji ealáhussii mat leat almmolaš dohkkehuvvon plánaid mielde, nu go vuođđostruktuvrra ásaheapmái mat leat gieldda areálaplánaid mielde.
Nannet Leavnnja
Porsáŋggu gielda galgá juolludit huksensaji ođđa aktevrraide šiehtadusguovllus, ja FeFo galgá ges dahkat eananláigošiehtadusa aktevrraiguin. Gielda ii galgga hukset báikái, dušše dat gii lea ožžon juolluduvvot viessosaji dasa.
– Mii háliidit nannet Leavnnja logistihkkabáikin. Dasa dárbbašit industriijabáikkiide. Mun lean duhtavaš go leat ásahan geavahanšiehtadusa mii sihkárasta guhkitáiggi badjel, ja ahte beassat álggahit barggu, lohká Porsáŋggu sátnejođiheaddji Aina Borch.
