Cuoŋománu 21. beaivvi rahppo Sámi kulturarkiivva ja Áillohaš-čoakkáldat Oulu universitehtas Giellagas-instituhtas, ja dan oktavuođas lágidit seminára.
Oulu universitehta Giellagas-instituhtta čoaggá, vurke ja seailluha sámekultuvrraide ja gielaide laktáseaddji materiála.
Áillohaš seminára
Arkiivva ođđasamos fidnun lea vuođđudit ja čoaggit materiála, mii gieđahallá Nils-Aslak Valkeapää. Áillohaš-seminára ulbmilin lea muitalit čoakkáldagas, Valkeapää eallimis ja buvttadusas sámeservodahkii, dutkiide ja maiddái buohkaide, geat leat beroštuvvan Áillohaččas. Seammás dat lea čoakkáldaga ja Sámi kulturarkiivva rahpandilálašvuohta.
Váldet vuostái materiála
– Seminára oktavuođas buktit ovdan čoagginbovdehusa: mii váldit vuostá Sámi kulturarkiivii materiála, mii laktása Nils-Aslak Valkeapää; maiddái originála materiála kopiijaid. Skeŋkejumit sáhttet leat ovdamearka dihte aviisačállosat, govat, skearrut dahje videot. Sáhtát addit arkiverema várás maiddái iežat muitalusa Áillohaččas, čállet sii preassadieđahusastis.
Seminára sáhttá čuovvut maiddái interneahtas čujuhusas https://connect.funet.fi/giallagas
