Davvi-Norgga SeastinBáŋku fállá dál vejolašvuođa lonuhit eará ruhtii olgoriikka ruđaid báhtareddjiide geat bohtet Girkonjárgii.
Davvi-Norgga SeastinBáŋku fállá dál vejolašvuođa lonuhit eará ruhtii olgoriikka ruđaid báhtareddjiide geat bohtet Girkonjárgii.
Maŋemus vahkkuid lea beaggán ahte báhtareaddjit, geat bohtet Ruošša bokte Norgii, leat ollu lassánan.
Báhtareddjiin lea euro ja dollár fárus, maid lea váttis lonuhit Norgga ruhtii, go lagamus báŋku mii lonuha olgoriikaruđaid lea Álttás ja Romssa gávpogis. Danne áigu dál Davvi-Norgga SeastinBáŋku dál ásahit ruhtalonuhandoaimma vai lea veahkkin báhtareddjiide.
– Mii leat rahpan ruhtalonuhankantuvrra Girkonjárgga báŋkkus. Doppe sáhttet báhtareaddjit geain leat olgoriikaruđat lonuhit Norgga ruvdnui. Mii leimmet gal heaittihan fálaldaga mas beasai cuvkehit/lonuhit ruđaid, muhto mii oaidnit dárbbašlažžan dán doaimma dál go dilli lea movt dál lea. Fálaldat lea báhtareddjiide geain eai leat Norgga ruđat go rasttildit ráji, dadjá Davvi-Norgga SeastinBáŋkku konsearnadirektevra Trond Hansen.
Rádji man olu lonuhit
– Mii sávvat ahte sáhttit dáinnalágiin veahkehit báhtareddjiid váttis dilis. Mii eat sáhte lonuhit stuora supmiid, muhto lonuhit gitta 5 000 ruvnno ovddas juohke olbmo nammii, dadjá Hansen.
Fálaldat lea nu guhká go dasa lea dárbu.
