Ollásit boahkuhuvvon olbmot besset rasttildit Norgga-Suoma rájá Roavvegiettis.
Gaskaija áigge borgemánu 21. beaivvi rahpe rádjarasttildanbáikki Roavvegiettis, muhto eai buohkat beasa johtit Sámi šalddi badjel go áigot nuppi riikii.
– Rádjarasttildeapmi Ohcejoga bokte dollojuvvo ain gitta, muhto olbmot geat leat ollásit boahkuhuvvon besset Norgga-Suoma rájá rasttildit go čájehit dohkkehuvvon koronapássa, dieđiha Deanu gielda iežaset neahttasiidduin.
Rájá beassá rasttildit dan botta go Roavvegiettis leat bargit, namalassii diibmu 08.00-20.00.
