Lávvardaga lágiduvvo eanaš báikkiin juovlagáhta ráhpan. Kárášjogas rahpandoalut álget diibmu 10:00 olggobealde Coop Prix buvdda šiljus ja bistet gitta eahkedii.
Lávvardaga lágiduvvo eanaš báikkiin juovlagáhta ráhpan. Kárášjogas rahpandoalut álget diibmu 10:00 olggobealde Coop Prix buvdda šiljus ja bistet gitta eahkedii.
Prográmma lea ollu viidát diimmá ektui ja Ealáhussearvvi jođiheaddji Nils Johan Gaup illuda lávvardahkii.
Son muitala ahte fálaldagat iešguđet doaimmain leat buoret go diibmá.
Cahkkeha čuovggaid
Doaibmi sátnejođiheaddji John Nystad galgá cahkkehit čuovggaid juovlamuoras, go Eva Chanette Iversen lávlu ovttas iežas musihkkárin.
Gaup muitala ollu gelddolaš doaimmaid leat miehtá beaivvi, sihke olgun ja siste nu gohččoduvvon DNB guovddážis.
Iešguđet doaimmat
Mánát besset earet eará ráhkadit juovlaskeaŋkkaid, nugo diibmáge. Dasa lassin besset mánát deaivat Firkkaláhkku, gii muitala máidnasiid mánáide.
Doalut loahpahuvvojit nugo ovdal ge, Sápmi Parkas, gosa juovlanigá ihttá ja illudahttá mánáid, geat besset gelddolaččat vuordit ahte maid son dat juovlanigá dán jagi buktá.
