-Almmuhus-
-Almmuhus-
OĐĐASAT Rahpet Álttá joatkka­skuvlla fas

Rahpet Álttá joatkka­skuvlla fas

-

-

Gaskavahku rájes besset joatkkaskuvlla oahppit fas skuvlii.

Álttá joatkkaskuvlla oahppit leat ruovttuskuvllas leamaš mannan vahku rájes, maŋŋá go koronadávda leavvagođii Álttás ja ovtta oahppis duođaštuvvui dávda. Gaskavahku rájes besset oahppit fas skuvlii.

Čavge njuolggadusaid

Álttá joatkkaskuvlla rektor, Inger Persen čállá oktasaš dieđu ohppiide ahte gielddadoavttir rahpá skuvlla fas otná rájes. Dat mearkkaša ahte dábáláš skuvla álgá gaskavahku rájes ja de ferte fysalaččat leat skuvllas. Skuvla čavge njuolggadusaid seamma dássái go čakčat lei.

– Dáppe lea ain koronanjoammun Álttás, ja lea dehálaš ráddjet dan. Bivdit buohkaid čuovvut njoammuneastadannjuolggadusaid, ovdamearkka dihte gaskka doallat, bassat gieđaid, gastit giehtagáva sisa, orrut ruovttus jus it leat dearvvaš dahje jus leat erremis, čállá Persen.

-Almmuhus-