Báikkalaš sámi searvvi ovddasteaddjit leat guhká sávvan dan. Dál leat gergosat lágidit earret eará duodjebargobájiid.
– Mii lágidit buohkaide duodjebargobájiid, muitala báikalaš sámi searvvi ovddasteaddji, Irina Pavlenko GTRK «Murman» ođassiidui.
Tuellem gielddasámegillii dahje Tuloma ruoššagillii lea báiki 18 kilomehtera eret Murmánskkas Suoma riikarájá guvlui, gosa leat dan vahkus rahpan sámi kulturguovddáža. Báikkis ásset birrasiid 1800 olbmo.
Kulturguovddážis galgá leat vejolaš lágidit duodjeeahkediid, eará deaivvademiid. Nu maiddái leat dohko čohkken sámi dahje sámi fáttas girječoakkáldaga, ja leat ordnen unna museaža.
