Stáhtahálddašeaddji vástida gažaldagaid mat gusket vaháteastadandoaimmaide ja boraspiriid goddinlobiide.
Romssa ja Finnmárkku stáhtahálddašeaddji meannuda stuora boraspiriid báhčinlohpeohcamiid gaskal geassemánu 1. beaivvi ja golggotmánu 15. beaivvi. Muđui lea sis váldi meannudit goaskimiid báhčinlobi ohcamiid birra jagi.
Gearggusvuođatelefovnna bokte sáhttá stáhtahálddašeaddji vástidit gažaldagaid ja ohcamušaid mat gusket fáhkka boraspirevaháteastadandoaimmaide dahje goddinlobiide ja daid čuovvolemiide. Sis lea maid oktavuohta vahátbivdojoavkkuin ja sáhttet veahkehit gulahallamiin gaskal Stáhta Luonddubearráigeahču ja šibihiid, sávzzaid dahje bohccuid eaiggádiiguin.
