Porsanger IL klubbaviessu lea rabas sidjiide geat dárbbašit háleštit dahje dušše leat ovttas earáiguin
Duorastagas gitta sotnabeaivái gaskal diibmu 20-24 lea Porsanger IL klubbaviessu rabas morašteddjiide.
— Ale čohkká okto, boađe min lusa, čállá Porsáŋggu gielda. Juohke beaivve boahtá leat ovddasteaddji guhte lei hui lagas Hans Villum Andersenii.
Hans Villum Andersen duššai johtolatlihkohisvuođas E6 geainnus gaskal Iŋggášguolbana ja Skuvvanvári Porsáŋggu gielddas.