Ráđđehus rabai mannan vahkus vejolašvuođa spiehkastit plána- ja huksenlágas.
Sivva lea go korona-virusa leavvama oktavuođas sáhttá leat gaskaboddosaš dárbu váldit atnui viesuid dearvvašvuođa- ja fuolahusbálvalusaide.
Trøndelága fylkkamánni dieđiha preassadieđáhusas ahte ráđđehus lea mearridan gaskaboddosaš njuolggadusa vai gielddat ja dearvvašvuođaeiseválddit ožžot vejolašvuođa bidjalit dárbbašlaš doaimmaid jođánit johtui.
Gielddat sáhttet dáinna njuolggadusain spiehkastit plána- ja huksenlága paragráfa 20-2 gáibádusas ahte galgá ohcat gaskaboddosaš viesuid geavahanrievdadeami ja gaskaboddosaš viesuid bidjama mat galget geavahuvvot dearvvašvuođa- ja fuolahusbálvalusaide. Sáhttá maid spiehkastit kránnjádieđiheami gáibádusas maiddái.
