SVT kanálas beassá oaidnit prográmmaráiddu Sofia Jannok ja su eallima birra.
SVT kanálas beassá oaidnit prográmmaráiddu Sofia Jannok ja su eallima birra.
– Mu artisttalašvuohta lea nannosit čadnon dasa gii mun lean. Sámi ceavzin lea munnje buot, dadjá Sofia Jannok filmmažis mii lea almmuhuvvon sosiála medias.
Bassi báiki
Sofia Jannok muitala maid manne son bargá musihkain ja muđuid iežas eallima birra.
– Sápmi lea mu bassi báiki. Liikon min čáppa birrasiidda ja dan geahččalit seailluhit boahtteáigái. Addá munnje movtta ja miela ráhkadit musihka. Muhtumin dadjet earát ahte mun lean nu politihkalaš. Mun čálán daid áššiid birra mat leat divrasat munnje ja ahte dat áššit seailluhuvvot, muitala Sofia filbmabihtážis.
EXPRESSEN aviisa rápmo tv-ráiddu. «Historjá lea muhtumin seavdnjat. Sus lea nanu árbi ja historjá», čállá Gunilla Brodrej.
Eará riikkain besset maid geahččat
TV-ráiddu vuosttaš oassi man namma lea «Världens Sofia Jannok» čájehuvvo gaskavahkku skábmamánu 16.beaivvi diibmu 20:30.
Lea vejolaš geahččat ráiddu SVT Play bokte ja dan sáhttá dahkat vaikko ii oro Ruoŧas.
