Narjan-Mara guovllusálget lagamus áiggis njuovvanbarggut. Áigumuš lea njuovvat 1355 tonna bohccobierggu.
Narjan-Mara guovllusálget lagamus áiggis njuovvanbarggut. Áigumuš lea njuovvat 1355 tonna bohccobierggu.
Oktiibuot njuovvanáigodagas háliidit njuovvat 40 500 bohcco, dieđiha nao24.ru
Das 34 650 bohcco gullet kollektiivvalaš boazodoallofitnodagaide ja 5 850 bohcco fas gullet priváhta boazodolliide.
– Jagi 2015 sáhttá árvvoštallat buorren jahkin dan dáfus ahte lea leamaš buorre dálki, iige lean báhkka geassi ja unnán čuoikkat ja lávžžát. Dasa lassin mannan geasi leat leamaš earenoamáš ollu guobbarat. Dainna lágiin bohccuin lei leamaš buorre dilli ja dáin lei doarvái borramuš, čilgejit Narjan-Mar guovllu eisseválddit dasa manne háliidit njuovvat juste 40 500 eali.
Muhto seammás galbma geasi geažil eai lean ollu muorjjit mii dagahii dan ahte guovžžat vurje sihke bohccuid ja boazodolliid.
Muhtumin boazodoallit gávdne 35 borron bohcco, čállá nao24.ru
Narjan-Mar guovllus, mii lea Guovdageainnu suohkana ustitvuođasuohkan, leat 14 kollektiivvalaš boazodoallofitnodaga ja ovcci priváhta bearašlágan fitnodaga.
Suoidnemánu vuosttaš beaivvi mielde Narjan-Mara guovllus rehkenaste 187 700 bohcco mii lea 3,7 duháha eanet diimmá ektui.
