-Almmuhus-
-Almmuhus-
-Almmuhus-
OĐĐASATRáhkkanit čorget muohttaga Finnmárkkus

Ráhkkanit čorget muohttaga Finnmárkkus

-

-

Stáda geaidnodoaimmahat lea gearggus dálvái, ovttas vihtta entreprenevrraiguin geain lea ovddasvástádus badjelaš 1000 kilomehtera luotta ovddas Álttás, Guovdageainnus, Ákŋoluovttas, Láhpis, Mátta-Várjjagis ja muhtin osiin Unjárggas.

Ođđa šiehtadusat leat doaimmas čakčamánu 1.beaivvi rájes ja leat viđa jagi ovddas. Šiehtadusaid árvu lea 146 miljovnna ruvnno, čállá Stáda geaidnodoaimmahat sin neahttasiiddus.

 

Guovllut ja ovddasvástádus
Álttás lea 616 kilomehtera luodda mii galgá leat ortnegis. NCC Norges lea ovddasvástádus Álttá ovddas, Mesta Drift AS Lákkovuonas, Anlegg Nord AS Mázes, Kautomaskin AS galgá doaimmahit Guovdageainnus, ja Roy Magne Thomassen galgá doaimmahit Láhpis ja Ákŋoluovttas. Mestas lea ovddasvástádus 442 kilomehtera Mátta-Várjagis ja lulimus oasi ovddas Unjárggas.

 

Rabas luottat mihttun
– Entreprenevrrat leat váldán badjelasaset stuora barggu. Doaimmaheapmi ja divodeapmi lea Stáda geaidnodoaimmahaga vuođđodoaibma, ja lea gáibideaddjin go lea ovddasvástádus Finnmárkku dálveluottaid ovddas. Min bargu lea čuovvut iskkademiid ja duođaštusaid bokte ahte servvodat oažžu dan bálvalusa man ovddas máksit. Mis lea oktasaš mihttu ahte luottat galget leat sihkkarat johtolahkii ja ahte luottat galget leat buorit ja rahpasat nu ollu go vejolaš, muitala Finnmárkku Stáda geaidnodoaimmahaga prošeaktajođiheaddji Kurt Mørk Nilsen.

 

-Almmuhus-