NAF rávve olbmuid bures ráhkkanit ovdal go vulget vuodjit badjel duoddariid dál dálvit.
Norges Automolbilforbund (NAF) dahje Norgga biilalihttu rávve olbmuid preassadieđáhusa bokte bures ráhkkanit ovdal go dollejit badjel duoddara, go doppe sáhttet dálkin leat jovgon geainnut ja ráidovuodjimat.
– Bija fáhtenláhkai biilii borramuša, juhkamuša, liegga biktasiid ja ránuid, rávve NAF senior gulahallanhoavda Nils Sødal. Lea dehálaš maid deavdit biilii boaldámuša. Son rávve maid olbmuid tuneallaid siste mohtora jáddadit jus ferte bisánit amas hávket.
