Signe Marie Fidje Store gilvala EM heaibumis vaikke sus lea ráhkan erttetdákti.
Deanu heaibu, Signe Marie Fidje Store, lea dál Serbias ja áigu gilvalit bearjadaga Eurohpá Meašttirgilvvuid (EM) seniorheaibumis ja sus lea mihttu fasket vuoittu gilvvus vaikke lea ráhkan erttetdákti.
– Mus lean ráhkan erttetdákti guokte beaivvi áigi ja lea gelddolaš oaidnit mo manná, muhto mus dieđusge lea mihttu fasket vuoittu, dadjá Fidje Store.
Čájehit mu potensiála
Mannan gilvvus, junior EM:s, U23, ii mannan dattetge nu bures, muhto dál sus lea jáhkku birget gilvvus.
– Mu mentála ja fysalaš givrodat lea dál olu buoret ja sávan sáhttit čájehit iežan potensiála. Maŋŋá U23-gilvvu, de fertejin geahččat mii lea váikkuhan go in nákcen nu bures gilvvus ja lean bidjan návccaid birget buorebut gilvvus, lohká Fidje Store.
Garrasit bargat
– Mus leat leamaš stuora váttisvuođat oađđit dan maŋimuš áigge, nu ahte lean ferten garrasit bargat dál, muhto dál dovddan ahte mu miella lea buoret ja lean gearggus gilvalit, lohká son.
