-Almmuhus-
OĐĐASATRáhka­dit várre­listtu boahku­heapmái

Ráhka­dit várre­listtu boahku­heapmái

-

-

Tromssa gielda áigu ávkkástallat boahkuheami ollásit. Jos oanehis áiggis sáhtát boahtit, de lea vejolaš oažžut boahku ovdal go livčče du vuorru.

Boahkuheami oktavuođas sáhttá geavvat nu ahte eai boađe šihtton boahkuhandiimmuide dahje maŋidit diimmuid.  Dalle báhcet boahkuhandosat mat fertejit geavahuvvot oanehis áiggis, ja jos eai geavahuvvo diimmu siskkobealde, de billahuvvet ja fertejit bálkestit, čuožžu preassadieđáhusas Tromssa gielddas.

– Vai eat dárbbat bálkestit boahkuid, de bovdet olbmuid Tromssas čuožžilit várrelistui. Go oaidnit ahte báhcet boahkut, de riŋget sidjiide geat leat várrelisttus ja dáhttut sin boahtit boahkuheapmái, dadjá Tromssa njoammuneastadanváldodoavttir Trond Brattland.

-Almmuhus-