-Almmuhus-
-Almmuhus-
OĐĐASAT Ráhkadit ođđa korona­njoammun-appa

Ráhkadit ođđa korona­njoammun-appa

-

-

Álbmotdearvvašvuođainstituhtta álggaha ođđa digitála njoammundávdaguorrama.

Álbmotdearvvašvuođainstituhtta (Folkehelseinstituttet, FHI) álggaha ođđa digitála njoammundávdaguorrama direktoráhta ovttasbargguin.

Dearvvašvuođa- ja fuolahusdepartemeanta lea bivdán gávdnat ođđa čovdosa movt guorrat njoammundávdda, čállá Álbmotdearvvašvuođainstituhtta iežaset neahttasiiddus.

Álbmotdearvvašvuođainstituhta veahkkedirektevra Gun Peggy Knudsen lohká sii áigot Apple ja Google rámmavuogádaga mielde bargat dan.

– EU ávžžuhusaid ja internašunála ovdáneami vuođul galgá Apple- ja Google čoavddus heivvolaš, lohká veahkkedirektevra Gun Peggy Knudsen. 

Čoavddus ii galgga vurket dieđuid, ja dat dagaha sihkkarit ja buoret personsuodjalusa go ovddit «Smittestopp» nammasaš appas. Ovddit appas fertii FHI sihkkut buot dieđuid ja sihkkut olles appa personsuodjalusarihkkuma geažil. 

Ođđa čoavddus galgá leat gearggus ovdalaš juovllaid.

- Advertisement -
-Almmuhus-