Guovdageaidnu johttisápmelaččaid searvi jođiheaddji váruha evttohusa nu vahágin ahte sáhttá dagahit riiddu ja soabatmeahttunvuođa siskkáldas bearašin ja orohagain.
Guovdageaidnu johttisápmelaččaid searvi jođiheaddji váruha evttohusa nu vahágin ahte sáhttá dagahit riiddu ja soabatmeahttunvuođa siskkáldas bearašin ja orohagain.
Fieddara orohatolmmoš ja Guovdageaidnu Johttisápmelaččaid searvvi jođiheaddji Nils Mathis Sara guhte lea okta dain guđet ledje ožžon geahpidangáibádusa stáhtas, lohká iežas áibbas vuostá ahte dušše 60. paragráfa boazodoallolágas galgá geahčaduvvot.
– Lea boastut ja heittot go evttohit dušše rievdadit 60. paragráfa. Mii leat ealáhusas ovttaoaivilis ahte lea áigi geahčadit lága, maiddái 60. paragráfa, muhto galgá visot oktan geahčadit iige ovtta páragráfa čuoggut, lohká Nils Mathis Sara.
Loga maid: Stáhta áigu «galmmihit» boazologuid viđa jahkái
Loga maid: – Máhccat «lappefogden» áigái
Ii leat iešmearrideapmi
Nils Mathis Sara oaivvilda evttohus 60. paragráfa birra, lea heivehuvvon eiseválddiide ja sin miela mielde.
– Boazodoallu ii leat šat priváhtaealáhus, muhto stáhta ealáhus. Ii gávdno iešmearrideapmi, lohká Sara.
Iežaset evttohus
Son muitala Guovdageaidnu Johttisápmelaččaid searvvis lea evttohus mo čoavddášii boazolohkohástalusa.
– Mii oaivvildat ahte galgá siidaosiid váldit eret ja siidii addit válddi mearridit, loahpaha son.
