Filbmadahkki Håvard Bustnes lea ožžon doarjaga iežas ođđa filbmii Fovse-ášši birra.
Dokumentára «Å kjempe mot vindmøller» čuovvu eksistensiella riiddu sámi bearrašiid gaskka geat ásset Fovse guovllus ja Eurohpá stuorámus bieggafápmodoaimmahaga huksemis maid bearrašat čuoččuhit áitit sin birgenlági.
Dál lea Bustnes ožžon 1,8 miljovnna ruvnnu buvttadandoarjjan Norgga filbmainstituhtas maŋŋel dáiddalaš árvvoštallama.
– David ja Goliat-drámá
– Dá lea David ja Goliat-drámá vižžon duohtavuođas, mas leat mielde muhtun min áiggi stuora gažaldagat, seammás go dat muitala bearraša ja minoritehtakultuvrra birra, dadjá Anna J. Ljungmark, Filbmainstituhta filbmakonsuleanta.
Son gohčoda «Å kjempe mot vindmøller» dehálaš ja máŋggabealat filbman, mas lea sihke nationála ja internationála mearkkašupmi.
Filmma dilemma čatnasa ruoná energiija huksemii; nuppástuhttin masa eatnasat mihtet, eaige jurdil negatiiva váikkuhusaid ekovuogádahkii ja olbmuide geat bohtet.
– Min ovdamunni lea ahte mii leat guhkit áigge leamaš mielde. Mii sáhttit čájehit olles jođu konsentrerejuvvon hámis, dajai Bustnes Adressai.
(©NTB)
