-Almmuhus-
OĐĐASAT Rádje­gávppa­šeapmi sáhttá ain lassánit

Rádje­gávppa­šeapmi sáhttá ain lassánit

-

-

Jus ovdáneapmi joatká seamma ládje go dássážii lea dahkan, de sáhttá rádjegávppašeapmi duppalastojuvvot logi jagis. 

Vaikko biebmogálvvut eai leat divron ollu maŋemus jagis, de lea aŋkke haddeerohus dat stuorámus sivva dasa ahte norgalaččat ain gávppašit nuppe bealde ráji, Suomas ja Ruoŧas.

– 2008 rájes lea rádjegávppašeapmi duppalastojuvvon. Dát dagaha váttisvuođaid Norgga bargosajiide ja árvolassáneapmái. Logut maid Statistihkalaš guovddášdoaimmahat lea almmuhan čájehit ahte dan maid norgalaččat gávppašit eanemusat nuppe bealde ráji leat bruvsa, alkohola, snuvssat, duhpát ja njálgát, dadjá Virke dállodoallogávppi direktevra Ingvill Størksen preassadieđáhusas. 

- Advertisement -
-Almmuhus-