Norgalaččat gávppašit fas seamma olu ránnjáriikkain go ovdal pandemiija.
Norgalaččat gávppašedje 3,6 miljárdda ruvnnu ovddas ránnjáriikkain cuoŋománus, miessemánus ja geassemánus, čájehit Statistihkalaš guovddášdoaimmahaga logut.
Rádjagávppašeapmi bisánii oalát go Norga ásahii mátkkoštangáržžidusaid koronanjoammuma geažil 2020 njukčamánu. Maŋŋel go ráját fas rahpasedje, de gávppašisgohte das olbmot ránnjáriikkain. Dál lea rádjagávppašeapmi jo seamma dásis go ovdal pandemiija.
– Mannan áigodat lei vuosttaš áigodat masa koronaleavvama mátkkoštangáržžidusat eai váikkuhan, ja mii oaidnit ahte rádjagávppašeapmi lea lassánan seamma dássái go ovdal, lohká Statistihkalaš guovddášdoaimmahaga ráđđeaddi Kristin Aasestad. (©NTB)
