Dá lea oassi nationálabušeahta čoavddaloguin.
Dá lea oassi nationálabušeahta čoavddaloguin.
Dárkilis meroštallojuvvon tabealla almmuhuvvo oktanaga nationálabušeahtain, čállá ráđđehus neahttasiiddus nationálabušeahta birra.
Váttisvuođat mat šadde heajos oljohattiid geažil 2014:s leat dál nohkan, ja ekonomiija konjunktuvrrat leat lassánišgoahtán. Lassáneapmi lea eanet go guhkesáiggi BNB-lassáneapmi, ja vuordimis dat lassána vel eanet boahtte jagi.
Nationálabušeahta 2019 meroštallama vuođul nannánekonomiija lassána 2,3 proseanttain dán jagi ja 2,7 proseanttain boahtte jagi, dieđiha Ruhtadandepartemeantta preassadieđáhusas.
Bargguhisvuohta njiedjá
Departemeanta čállá maid ahte bargomárkandilli lea sakka ovdánan, ja bargguhisvuohta lea ollu njiedjan miehtá riikka. Barggolašvuohta lea mealgat lassánan. Dál lassána maid bargoagi olbmuid lohku sin ektui geat leat bargodilis.
Barggolašvuohta lea leamaš hui vuollin máŋga jagi, muhto dál dat lea lassánišgoahtán.
2019 nationálabušeahtas meroštallojuvvo ahte bargguhisvuohta njiedjá 3,8 proseanttas 3,7 prosentii dán jagis boahtte jahkái.
2019 stáhtabušeahtas lea neutrála váikkuhus Norgga ekonomiijai. Oljoboađuid geavaheapmi ii rievdda nannánekonomiija dáfus ja meroštallojuvvo 231,2 miljárdda ruvdnui 2019:s, mihtiduvvon struktuvrralaš, oljomuddejuvvon vuolláibáhcaga ektui. Dat vástida 2,7 proseantta Stáhta olgoriikka penšuvdnafoandda navdojuvvon kapitálas jagi álggus, dieđiha Ruhtadandepartemeanta sin neahttasiiddus.
Tabealla: Nationálabušeahta 2019 ekonomiija váldologut
|
2017 |
2018 |
2019 |
|
||
Bruttonationálabuvtta Nannán-Norga1 |
2,0 |
2,3 |
2,7 |
|
||
Barggahus, olbmot1 |
1,1 |
1,6 |
1,3 |
|
||
Bargguhisvuođalogut, AKU (dássi) |
4,2 |
3,8 |
3,7 |
|
||
Struktuvrralaš, oljomuddejuvvon bušeahttavuolláibáza, mrd. 2019-ruvnnu |
226,4 |
226,7 |
231,2 |
|
||
Bušeahttaimpulsa2 |
0,2 |
-0,1 |
0,0 |
|
||
SPU-golut3 |
2,9 |
2,6 |
2,7 |
|
1) Proseanttalaš rievdadus jos eará ii leat almmuhuvvon.
2) Struktuvrralaš, oljomuddejuvvon vuolláibáza proseantan BNP-Nannán-Norggas. Ovddit jagi rievdadus lea proseantaovttadaga mielde
3) Struktuvrralaš, oljomuddejuvvon vuolláibáza proseantan Stáhta olgoriikka penšuvdnafoandda (SPU) kapitálas jagi álggus.
Gáldut: Statistihkalaš guovddášbyrå ja Ruhtadandepartemeanta