-Almmuhus-
OĐĐASATRáđđehus nanne sámegiela ja kultuvrra

Ráđđehus nanne sámegiela ja kultuvrra

-

-

– Ráđđehusa áigumuš lea áimmahuššat ja nannet sámegiela. Danne lasihit juolludeami Sámediggái 5 miljovnna ruvnnain 2018:s, mii lea álgun Sámi giellalávdegotti raportta Váibmogiela čuovvoleami doaimmaide, lohká Gieldda- ja ođasmahttinministtar Jan Tore Sanner.

Sámi giellalávdegoddi buvttii raporttastis NAČ 2016:18 Váibmogiella golggotmánus diibmá.

– Lea buorre go mii dál oaidnit ahte eanet ahte eanet geain lea sámi duogáš háliidit oahppat giela ja bisuhit dan boahttevaš buolvvaide. Dat lea dakkár ovdáneapmi maid mii áinnas háliidit doarjut, dadjá Gieldda- ja ođasmahttinministtar Jan Tore Sanner preassadieđáhusastis.

 

Sámegiella dehálaš kulturguoddi

Ráđđehus evttoha maiddái lasihit juolludemiid Sámediggái 2,5 miljovnna ruvnnain daidda oppalaš bargguide, mat gusket kultuvrii ja gillii, ja dasto vel 3 miljovnna ruvnna oahppoplánaid ja oahpponeavvuid bargguide.

– Oallugiidda leat sámi álbmogii sámi gielat deháleamos kulturguoddin. Seammás leat sámi gielat smávva gielat ja nu maid hearkkit, earenoamážit åarjel- ja julevsámegielat. Danne ferte stuoraservodat oassálastit áimmahuššat daid, fuomášahttá stáhtaráđđi Jan Tore Sanner.

 

Sámi ulbmiliid

Ráđđehus evttoha oktiibuot juolludit Sámediggái ja sámi doaimmaide sullii 994 miljovnna ruvnna 2018 stáhtabušeahtas. Dat mearkkaša 4,6 proseantta lasáhus 2017 ektui.

Sámediggái evttoha ráđđehus juolludit 486 miljovnna ruvnnu 2018:s, mii lea 5,4 proseantta lassáneapmi jagi 2017 ektui.

 

Eará juolludeamit sámi doaimmaide:

  • Reviderejuvvon j. 2017 našunálabušeahtas lasihuvvui doarjja mánáidgárdefálaldagaide 5 miljovnna ruvnnuin. Ráđđehus evttoha ahte dát doarjja ain jotkojuvvo 2018:s.
  • Ráđđehus evttoha nannet Sámi Allaskuvlla Sámi lohkanguovddáža bargguid 2,4 miljovnna ruvnnain.
  • Ráđđehus evttoha nannet Sámi ofelaččaid hálddahusa 1 miljovnna ruvnnuin, ja Internašunála Sámi filbmainstituhta (ISFI) 600.000 ruvnnuin. Ulbmil lea nannet ISFI:i buoret doaibmandili, nu ahte sii sáhttet joatkit ja nannet sámi audiovisuála buvttademiin ja gaskkustemiin.
-Almmuhus-