-Almmuhus-
-Almmuhus-
-Almmuhus-
SMÁVVAOĐĐASATRáđđehus nanne gearggus­vuođa ja dárkkisteami

Ráđđehus nanne gearggus­vuođa ja dárkkisteami

-

-

Ruošša mobiliseren ja vejolaš gieldámuš guođđit riikka, dagaha ahte lea stuorát vejolašvuohta olbmot lobiheamet rasttildit rájáid eará sajiin go Storskog bokte.

Suodjalus Garnisonen Matta-Varjjagis lea dál goziheame Ruošša rájá. Politiijahelikopterat nannejit vejolašvuođa fuomášit lobihis rádjárasttildemiid.

Ruošša rádjá lea 198 km guhko, ja stuora oassi lea Báhčeveaijohkaráigge.

Maŋemuš vahkku leat olu nuorra Ruošša dievddut rasttildan rájáid Norgii, ja bekkii ahte galge giddet rájáid, dattetge leat ráját ain rahpas bearjadaga.

Politiijat dieđihit NTB:i ahte johtolat bearjadaga lea seamma dásis go duorastaga. Leat unnit olbmot rasttildan rájáid daid maŋemuš beivviid. Duorastaga ledje oktiibuot 162 olbmo geat rasttildedje rájáid Storskog bokte Norgii.

– Politiijain lea buorre kontrolla Storskogas, ja dál nannet dárkkisteapmi rádjaguovlluin mat leat olggobealde duollu. Politiijahelikopter lea buorre veahkkeneavvu dárkkisteamis, muitala Norgga justiisaminister Emilie Enger Mehl preassadieđáhusas.

Olusat guođđán Ruošša

Duháhiid mielde Ruošša dievddut leat guođđán Ruošša ja vuolgán Norgii ja eará oarjeriikkaide, maŋŋel go Ruošša presideanta dieđihii ahte son háliida mobiliseret veaga ja soalddáhii soahtat Ukrainain.

Seammás lea beaggán ahte Ruošša áigu giddet rájiid ja olbmot eai beasa olggos riikkas, ja Suopma ges dieđihan ahte sii eai luoitte Ruoššalaččaid riikii main lea turistavisumat. Norgga politiijat ges deattuhit ahte rádji lea rabas Norgii, nu guhká visot báhpirat leat ortnegis.

Giddejit jus lea dárbu

Ráđđehus lea čavgen visumaddima miessemánus, ja rievtti mielde eai áddo turistavisumat ge Ruošša stáhtaborgáriidda.

– Mii leat gergosat giddet rájáid jođánit jus šaddá dárbu dasa, ja rievdadusat bohtet dáhpáhuvvat oanehis áiggis. Norgii eai leat olusat rasttildan rájáid jus buohtastahttá Suomain, nu ahte min dilli lea veaháš eará go sis. Storskog lea áidna duollu Ruošša ja Norgga gaskka. Mis lea buorre gulahallan politiijain ja duolluin, ja čuovvut dárkilit mii dáhpáhuvvá rájá alde, čilge Mehl.

©NTB

-Almmuhus-