Njealját ceahkki rahpamis ii čađahuvvo vuos, go korona deltavariánta buktá eahpesihkarvuođa.
– Dearvvašvuođadirektoráhtta ja Álbmotdearvvašvuođainstituhtta ávžžuhit ahte eat galgga vuos čađahit njealját ceahki rahpamis, ja mii doarjut dan. Mii sirdit njealját ceahkkái áramusat loahpageahčen suoidnemánu dahje borgemánu álggus, dajai stáhtaministtar Erna Solberg preassadieđáhusas vuossárgga.
Preassakonferánssas vuossárgga maŋŋelgaskabeaivvi čielggai Norgga koronadilálašvuohta ja rahpan. Plána lea ahte go álggahit njealját ceahki, de álgá gearggusvuođamuddu. Das lea earret eará sisamátkkoštangáržžideapmi guovddážis bissehit ođđa virus-variánttaid.
Njealját ceahkis ráđđehusa rahpanplánas besset universitehtat ja allaskuvllat álggahit fysalaš oahpahusa, govdodatvaláštallan sáhttá doaibmat nu go dábálaččat, beavdeguossohangáibádus heaittihuvvo, ja stuorát joavku olbmuin sáhttet oassálastit doaluin.
Bohtet liikká obbalaš njoammungáržžideamit ja sisamatkkoštangáržžildeamit. Stáhtaministtar ii daja pandemiija nohkan Norggas.
– Ehpet oaččo mu julggaštit ahte lea pandemiija loahppa Norggas, dadjá Erna Solberg pressadieđáhusas.
(©NTB)
