Oahppit fuolastuvvet oahppodilálašvuođain dal go lea koronaheahtedilli. Ráđđehus lohpida oahppoduođaštusa nuoraidskuvlla- ja joatkaskuvllaohppiide.
– Mun ipmirdan bures ahte máŋggas dal fuolastuvvet eksámeniin ja oahppoduođaštusain, dadjá justiisaministtar Monica Mæland (O).
Son muitala ahte njoammunvárra dahká váttisin doallat eksámeniid stuorra lášmmohallansálas nu go dábálaččat lávejit, ja soitet fertet loahpahit eksámeniid dain vuolit oahppocehkiin.
– Muhto mii fuolahit ahte nuoraidskuvlla- ja joatkkaskuvllaoahppit ožžot gustovaš oahppoduođaštusa, dadjá son.
Mæland muitala ahte njálmmálaš eksámeniid soitet sáhttit čađahit Skype dahje eará digitála kommunikašuvdnalávddi bokte.
(©NTB)
