– Ráđđehus evttoha addit 4 miljovnna ruvnnu sámi ealáhusdoibmii masa lea koronadilálašvuohta čuohcan garrasit, dadjá guovlo- ja digitaliserenministtar Linda Hofstad Helleland.
Garra doaimmat bissehan dihtii njoammuma leat dagahan ahte olu fitnodagat leat unnidan doaimmaid, čuožžu ráđđehusa neahttasiiddus.
Sámediggi lea ožžon bargun hálddašit ruđaid.
– Lea dehálaš ráđđehussii ahte lea Sámediggi mii oažžu ovddasvástádusa juohkit ruđaid. Sii dovdet sámi dili buoremusat – ja lean sihkar ahte ruđat veahkehit sámi kultuvrra- ja ealáhusdoaimma beassat kriisa čađa, dadjá Linda Hofstad Helleland.