Ráđđehus háliida gealbudahttit oahpaheddjiid geat eai leat válbmen iežaset oahpu.
Ráđđehus dieđiha preassadieđáhusa bokte ahte lea ortnet mas oahpaheaddjit ožžot vejolašvuođa álgit ovtta sierra oahppoortnegii guđa oahppobáikkis.
Ráđđehus dieđiha ahte sii geain leat unnimusat 150 oahppočuoggá njealji jagi oahpaheaddjeoahpu čađa ožžot ohcat ortnegii. Muhtimiin váilot dušše moadde oahppočuoggá, ja muhtimiin fas váilot eambbo oahppočuoggát ja práksisa.
Geahččalanortnegis Davvi-Norggas čájehuvvui ahte ortnet lea buktán buriid bohtosiid daidda vuosttaš studeanttaide geat álge dása čakčat 2019:s Romssa universitehtas ja Davvi universitehtas. Davvi-Norggas leat dál sullii 90 oahpaheaddji álgán ortnegii, ja 15:s leat jo geargan oahpuin.
