Geassemánu 21.beaivve vuolláičálle eanadoalloorganisašuvnnat Ráđđehusain šiehtadusa mas barget geahpedeamis klimagássaluoitima.
Eanadoallu lea okta vuosttaš ealáhusain mii lea dahkan ráđđehusain dákkár šiehtadusa.
Lea biddjon mihttu ahte CO2 luoitimat galget geahpeduvvot 5 miljovnna tonnain áigodagas 2021-2030.
Norga ovttasbargá EO:in
Parisšiehtadusas lea mihttu ahte klimagássaluoitimat galget unniduvvot 40 proseanttain ovdal 2030, 1990 ektui.
Stuorradiggi lea mearridan ahte Norga galgá ovttasbargat EO:in ollašuhttimis dán mihttu.
Rivttes guvlui lávken
– Dálkkádusrievdamat leat stuorra áittan biebmosihkkarvuhtii, olbmuide ja lundui. Dáinna šiehtadusain lea eanadoallu ja stáhta mielbargit luoitima geahpedan rahčamušas. Eanadoallu ja ráđđehus galget ovttas fuolahit ahte klimagássaluoitimat geahpeduvvojit ja seammás lassánahttit karbona sisaváldima eanadoaluin. Dáinna mearrádusain leat stuorra lávkki lávken rivttes guvlui, muitala dálkkádat- ja birasministtar Ola Elvestuen preassadieđáhusas.
