Ráđđehus evttoha ásahit gáibádusa ahte goappaš sohkabealit galget ovddastuvvot unnimusat 40 proseantta Norgga fitnodagaid stivrrain.
Ráđđehus evttoha bidjat gáibádusaid stuorát oasusfitnodagaide, geatnegasfitnodagaide, ovttasbargofitnodagaide, vuođđudusaide ja viessohuksenservviide ahte goappaš sohkabealit galget ovddastit unnimusat 40 proseantta stivrra miellahtuin.
– Dál leat dušše guovttis logi stivramiellahtus priváhta fitnodagain nissonolbmot. Čiežas logi oasusfitnodagas leat dušše almmáiolbmot stivrras. Dat ii heive dálá dilálašvuhtii, ja vuordámušaide mat servodagas leat. Dál lea áigi rievdadit dan, dadjá ealáhusministtar Jan Christian Vestre.
Son maid dadjá ahte lea dehálaš ahte doaibmabijut maid evttohit eai sisdoala eambbo go dárbbašlaččat.
– Leat ožžon dieđu ahte evttohus ii galgga fátmmastit smávit fitnodagaid, ja dan leat guldalan.
