Ráđđehus lea bearjadaga sádden láhkaproposišuvdna Stuorradiggái addit Nordlándda fylkii almmolaš julevsámegiel nama.
Fylkka oažžu dan oktavuođas guokte fylkkanama, sihke dárogillii (Nordland) ja julevsámegillii (Nordlánnda).
– Sámi giella ja kultuvra lea dovddus stuorra oassin Nordlánddas. Guovttegielat fylkkanamma guovlluin gos sámegiella ja kultuvra lea nanus, lea dehálaš ahte sámegiella ja identitehta lea oidnosis. Go fylka oažžu almmolaš julevsámegiel nama lea dehálaš ráđđehussii dan dihte go árbevirolaš julevsámegielguovlu lea Nordlándda fylkkas, dadjá guovllu- ja digitálaministtar Linda Hofstad Helleland.
