Ráđđehus evttoha stáhtabušeahtas 7,1 miljovnna ruvnno álbmotallaskuvlla álggaheapmái Svalbárddas boahtte čávčča.
Ráđđehus evttoha stáhtabušeahtas 7,1 miljovnna ruvnno álbmotallaskuvlla álggaheapmái Svalbárddas boahtte čávčča.
– Dakkár álbmotallaskuvla addá ohppiide ja bargiide earenoamáš fálaldaga, mas lea biras ja ceavzilisvuohta guovddážis dakkár guovllus mii lea hearki. Maiddái ođđa bargosajit rahppojit ja lasiha ássiidlogu, lohká máhtto- ja integrerenministtar Jan Tore Sanner.
Ássiid lohku maid lassána
Skuvlii plánejuvvojit 125 ohppiidsaji ja 25 bargi. Svalbárdda rikkis luondu lea guovddážis, ja fállet fágaid nu go olgostallan, dálkkádat, biras, dutkan, govven ja dáidda. Biras ja ceavzilisvuohta galgá leat vuođđun juohke fágas maid.
Skuvlla ásaheapmi buktá gávcci proseanttačuoggá lassáneami Svalbárdda álbmogis.
Dakkár lassáneapmi lea dehálaš ráđđehusa Svalbárdapolitihkas.
– Álbmotallaskuvla addá eanet fuomášumi davviguovlluide. Borgemánu 1. beaivvi rievdadii Stuoradiggi álbmotallaskuvlalága nu ahte dat heive maid Svalbárdii, lohká Sanner.
