-Almmuhus-
-Almmuhus-
-Almmuhus-
SMÁVVAOĐĐASATRáđđehus bivdá Ruovdemáđii­direktoráhta čađahit konseaptaválljen­guorahallama Davvi-Norgga ruovde­máđii birra

Ráđđehus bivdá Ruovdemáđii­direktoráhta čađahit konseaptaválljen­guorahallama Davvi-Norgga ruovde­máđii birra

-

-

– Ollislaš konseaptaválljenguorahallan Davvi-Norgga ruovdemáđijaid birra addá midjiide ávkkálaš máhtu mo sáhtášii duohtan dahkat ruovdemáđii gaskal Fuoskku ja Romssa. Guđemuš prošeavttaid ráđđehus vuoruha davvin almmuhuvvo boahtte nationála johtolatplánas. Davvi-Norgga konseaptaválljenguorahallan šaddá dán barggus hirbmat dehálažžan, lohká johtolatministtar Jon-Ivar Nygård.

Johtolatdepartemeanta bivddii duorastaga guovvamánu 24. beaivvi Ruovdemáđiidirektoráhta čađahit konseaptaválljenguorahallama (KVG) Davvi-Norgga ruovdemáđiijaid birra. Store Norske leksikona čilge ahte konseapta mearkkaša jurdda- dahje plánačoakkáldaga mii lea vuođđun muhtin doibmii, lágideapmái dahje buktagii. Direktoráhtta galgá guorahallat Fuoskku ja Romssa gaskka ruovdemáđiičovdosiid jurdagiid, čállá Johtolatdepartemeanta ođasreivves..

Guorahallan lea Fuoskku – Narviikka (Áhkánjárgga – Romssa) gaskka, mas soaitá leat vejolaš bidjat oalgeruovdemáđijaid Hársttáide. Ruovdemáđiidirektoráhtta ferte dan guorahallamis maid geahččat Ofuohttamáđijai ja Nordlánddamáđijai, ja galgá maid čilget váikkuhusaid ruovdemáđiifierpmádahkii sihke Norgga ja Ruoŧa bealde.

Guorahallat váikkuhusaid boazodollui

DAVVI-NORGGA RUOVDEMÁĐII: Kárta gokko evttohit Davvi-Norgga ruovdemáđijaid mannat. Pressagovva: Johtolatdepartemeanta
DAVVI-NORGGA RUOVDEMÁĐII: Kárta gokko evttohit Davvi-Norgga ruovdemáđijaid mannat. Pressagovva: Johtolatdepartemeanta

Earret dábálaš servodatekonomalaš analysaid ja máksinárvvoštallamiid, de lea Johtolatdepartemeanta maid dáhtton Ruovdemáđiidirektoráhta vuđolaččat guorahallat mo dát váikkuha boazodollui, sámi beroštumiide, dálkkádahkii ja birrasii konseaptaválljenguorahallamis. 

Dušše ruovdemáđii čovdosat

Dehálaš eaktu Davvi-Norgga ruovdemáđii KVG:i lea ahte dat galgá dušše geahččat makkár konseaptačovdosat gávdnojit ruovdemáđijaide, ii ge galgga buktit molssaevttolaš čovdosiid mat gullet geaidno-, mearra- dahje áibmofievrredeapmái. Dakkár fievrridančovdosat KVG leat juo jođus Davvi-Norggas.  KVG galgá Johtolatdepartemeanttas 2023 geasi, seamma áiggi go Davvi-Norgga KVG fievrrideami čoavddus.

Das maŋŋá galget plánat kvalitehtasihkkarastot ja ráđđehus váldá dan mielde boahtte nationála fievrredanplánii. 

-Almmuhus-