Justiisaministtar celkkii preassakonferánssas ahte ráđđehus soaitá farggamus lági mielde ásahit rádjabearráigeahču.
– Mii áigut dárkilat bearráigeahččat rájá dás rájes. Mii árvvoštallat ásahit rádjabearráigeahču, dajai justiisaministtar, Emilie Enger Mehl (Gb), ráđđehusa preassakonferánssas Ukraina soađi birra.
– Soaitá ásahuvvot dál fargga, muhto lea dehálaš dahkat vuđolaš árvvoštallama. Lea sáhka resurssain. Mii fertet árvvoštallat leago riekta geavahit politiija resurssaid dárkkistit buohkaid geat rasttildit rájá ja leago makkár ge ávki dasa, dajai Mehl.
Mehl deattuha ahte ráđđehus berošta dárkkisteamis geat bohtet Norgii.
(©NTB)
