Máŋggas leat ohcan alit ohppui dal go sii leat massán barggu. Dal áigu ráđđehus lasihit 4.000 oahpposajiid, dieđiha Henrik Asheim (O)
Dutkan ja alit oahpahusministtar dadjá Aftenpostenii ahte lea dehálaš oažžut eambbosiid oahpahussii ja bargguide maidda servvodagas lea dárbu ovddosguvlui.
– Mii evttohit maid ahte galgá lasihit 1.000 oahpposajiid alit fidnofága oahpahussii, dadjá son.
Dat ođđa oahpposajit leat oassin oahppopáhkas mat bohtet ovdán dan ođasmahtton nationálabušeahtas mii almmuhuvvo miessemánu 12. beaivve. Oahpposajit álggahuvvojit čakčat jus Stuoradiggi dohkkeha dan.
(©NTB)
