-Almmuhus-
OĐĐASATRáđđehus áigu girku diktit mearridit girkoválgadáhtona

Ráđđehus áigu girku diktit mearridit girkoválgadáhtona

-

-

Ráđđehus ii áiggo šat gáibidit girkoválgga čađahuvvot go stuoradiggeválga dahje báikkálaš válggat čađahuvvojit. Girkojođiheaddji lohká dan leat vuoitun sidjiide geat leat konservatiivvat.

Go ráđđehus ovddidii ođđa oskou- ja eallinoaidnoservvodaga dieđáhusa bearjadaga, de váldet eret gáibádusa ahte Norgga girku galgá lágidit válgga seamma áiggi go politihkalaš válggat leat, čállá Bergens Tidende.

 

Mielde váikkuheame 

– Mii oaivvildit ahte lea prinsihpalaččat dehálažžan ahte girku ieš beassá mearridit goas ja gos čađahit válggaid, lohká Risttalaš Álbmotbellodaga jođiheaddji Kjell Inge Ropstad.

2015:s čađahii girku válggaid seammás go suohkanválggat ledje, ja dagahii ahte eambbogat serve válggaide, muhto politihkalaš oassi rievddai maid. Beannot jagi maŋŋel rievddai náitinliturgiija buot náittosbáraide, maiddái sidjiide geat leat seamma sohkabealis.

 

Dehálaš girkui

Rabas álbmotgirku jođiheaddji Karl Johan Kirkebø lohká ahte rievdadus lea vuoitun sidjiide geat leat konservatiivvat.

– Rievdadit áiggi ja báikki válggain lea oassin dan siskkaldasgilvvus girkus. Dat gii jienasta, lea mielde mearrideames geat válggaid vuitet. Dađi eambbogat jienastit, dađi vearrábut lea beroštumiide mat eai leat nu ollugiin, Kirkebø.

(©NTB)

 

-Almmuhus-