-Almmuhus-
OĐĐASATRáđđádallá Sámedikkiin easkka ođđajagemánus

Ráđđádallá Sámedikkiin easkka ođđajagemánus

-

-

Suoma johtolat- ja diehtojuohkinministeriija ráđđádallá Jiekŋameara ruovdegeainnus Sámedikkiin ođđajagemánus.

Suomas lea máŋga jagi plánen jiekŋameara ruovdegeainnu, muhto lea eahpečielggas gokko dat galgá mannat.

Suoma beale Sámediggi lei bivdán ráđđádallamiid juo geasset. Dan čállá Yle Sapmi.

Sámedikki ságadoalli Tiina Sanila-Aikio mielas dákkár áššis galgá sihkkarastit dan, ahte sápmelaččat besset váikkuhit áibbas álggu rájes.

 

Ovdal guovvamánu loahpa

Mannan suoidnemánus bivde Suoma eiseválddit ahte Suoma johtolatdoaimmahat ovttas Norgga johtolateiseválddiin galgá čielggadit vejolaš Jiekŋameara ruovdegeainnu ollašuhttima ja ekonomalaš gánnihahttivuođa.

Čielggadeamit galget gárvvásmuvvat ovdal guovvamánu loahpa.

Sámedikkiin eai goittotge leat vel ráđđádallan áššis. Sámediggelága 9§ ráđđádallamat galget leat ođđajagemánu 18. beaivvi.

-Almmuhus-