PST ávašta ahte Ruošša goziheaddjit leat lassánan Norggas. Suodjalusa rusttegat, kritihkalaš infrastruktuvra ja Norgga politihkkarat leat hearkkes mihtut.
Ruošša ii leat dušše Davviguovlluin lasihan suodjalusdoaimmaid, muhto vákšun- ja váikkuhandoaibma lea maid lassánan Norggas, dieđiha PST-hoavda Benedicte Bjørnland.
Dát dieđut bohte ovdan go Politiijaid sihkarvuođabálvalus (PST) almmuhii gaskavahkku makkár áitagat leat stuorámusat Norgga vuostá dál.
Čalmmustahttá hearkkes mihtuid
– Mii oaidnit čielgasit ahte Ruošša gozihandoaimma vuogádat lea lassánan, ja mii oaivvildit ahte lea vuođđu cuiggodit suodjalus- ja gearggusvuođaossodaga, politihkalaš mearrádusaid ja kritihkalaš infrastruktuvrra mat leat hearkkes mihtut Ruošša vákšundoaimmaide, muitala PST-hoavda.
Váruhit neahttafallehemiid
– Infrastruktuvrras leat mihtuid viggan fallehit, earret eará dihtorfierpmádaga operašuvnnaiguin. Muhtin operašuvnnat leat leamaš oassin infrastruktuvrra kártemis, ja eará operašuvnnat leat leamaš oassin rievdadit ja hehttet rusttegiid jus čuožžila deaivideapmi olgoriika- ja sihkarvuođa dilis.
Váikkuhit sin geat váikkuhit áššiid
Suodjalusa- ja sihkarvuođabeliid doaimmat sáhttet leat hearkkit lobiheames vákšumii, erenoamážit go lea Ruošša mii vákšu.
PST-hoavda oaivvilda ahte Ruošša áigu geahččalit váikkuhit eaŋkilolbmuid geat leat oasálaččat politihkalaš proseassain, ja geain leat návccat váikkuhit mearrádusaid. Parlamentarihkkárat, geat barget olgoriika- ja sihkarvuođapolitihkalaš beliiguin, sáhttet leat mihttun.
