Fylkkamánni lea ruđalaččat dorjon geatkebivdoprošeavtta.
Ealáhus ja boraspiret Finnmárkkus prošeakta lea ohcan ja ožžon 27 000 ruvnno doarjaga Fylkkamánnis oastit kámeraid ja čuovggaid geatkebivddu váste.
Ággan ohcamii sii geavahit dan ahte fylkkas leat ollu geatkkit ja lea dat guovlu Norggas gos lea stuorimus badjebáza borasspiriin.
Sii čujuhit maid sevdnjesáigái ja váttisvuođaide geatkebivddu dáfus dan geažil.
2015:s šattai lobálažžan geavahit čuovgga ja kámera geatkebivddu oktavuođas, ja nu galget ge kámerat ja čuovggat veahkkin effektiviseret bivddu ja nu buoridit elliidčálggu fylkkas, čállá Ealáhus ja boraspiret Finnmárkkus prošeakta ohcamis.
