Finnmárkku politiijain lea leamaš veahá bargu mannan ija, dán dieđihit twitteris:
ÁLTÁ:
Dii. 00:37 Cavgileapmi bávkima birra Álttá nuoraidskuvlla guovllus. Politiijat fitne báikkis ja iske ášši. Čájehuvvui ahte ledje dollarusonat.
Dii. 01:15 Doarrun olggobealde Scandic hotealla. Okta olmmoš gildon boahtimis báikái.
Dii. 06:25 Cavgiluvvon feastariedja. Politiijat leamaš báikkis loahpaheamen feasta.
HÁMMÁRFEASTA
Dii. 02:58 Diggon/doarrun gávpotguovddážis. Ii goabbáge roasmmehuvvan. Nubbi soaitá váidit ášši.
Dii. 03:43 Politiijat gávdne nissonolbmo gii lei gáhččan ja bávččagan. Dolvojuvvui doaktára lusa ja dasto ruoktot.
ČÁHCESUOLU
Dii. 03:36 Okto olmmoš dolvojuvvon doaktára lusa. Veahá bávččagan. Eahpečielggas mii lea geavvan.
DEATNU
Dii. 06:00 Okta olmmoš várohuvvo vuodjan gárrenoaivvis. Dolvojuvvo doaktára lusa varraiskosa váldit.
VUONNABAHTA
Dii. 06:04 Politiijat priváhtačujuhusas gos cavgiluvvui doarrun. Dutkagohtet ášši.
