Finnmárkku politiijain lea leamaš hušša mannan ija. Dán dieđihit Twitteris:
ČÁHCESUOLU
Dii. 23:32 60-jahkásaš dievdu áššáskuhtton go navdet gárrenoaivvis vuodján. Politiijat giitet olbmuid go cavgilit sidjiide.
Dii. 02:06 Politiijat gávdne gárren dievddu geas lei hávvi gállus. Eahpečielggas mii lea dáhpáhuvvan, muhto dolvot su doaktára lusa.
Dii. 02:38 Leat hupman vihtaniiguin. Ii galgga leamaš nu vearrás dáhpáhus, muhto čuovvolit ášši boahtte vahkku.
HÁMMÁRFEASTA
Dii. 00:41 Doarrun heajaid oktavuođas. Galget leamaš dušše nissonolbmot geat leat doarrán. Politiijat leat leamaš báikkis. Ii oktage galgga roasmmehuvvan.
Dii. 01:08 Gárren dievdu lei velledan olggobeallái rámbuvrra gávpotguovddážis go politiijat gávdne su. Dolvojuvvui ruoktot.
ÁLTÁ
Dii. 01:11 Dieđihuvvon oaivvehis vuodjin njealjejuvllagiin Holmenis. Politiijat iske ášši.
LEAVDNJA
Dii. 02:04 Nieida, gean politiijat várohit gárremiin, lea arvin olgun jođus unnán biktasiiguin ja skuovaid haga. Politiijat čállet ahte sii sávvet su jođus ruoktot.
GUOVDAGEAIDNU
Dii. 03:37 Promillavuodjin dieđihuvvon guđajuvllagiin. Álttá politiijat leat jođus iskat ášši.
HESSENG (MÁTTA-VÁRJJAGIS)
Dii. 04:10 Feastariedja dieđihuvvon, muhto lei jaskat go politiijat bohte báikái.
LÁVVONJÁRGA
Dii. 05:21 20-jahkásaš nieida galgá vuodján badjel luotta. Olbmot eai galgga roasmmehuvvan, muhto politiijat várohit dan promillavuodjimiin ja čuovvolit ášši.
DYFJORD (DAVVESIIDDAS)
Dii. 04:50 Golbma olbmo galget njuiken merrii. Eat leat guhkkin eret gáttis. Buollin, dearvvašvuohta, politiija ja Sea-King leat jođus bákái.
Dii. 05:56 Politiijain lea kontrolla olbmuin geat leat leamaš fatnasis. Sii gávdnojedje gáttis, muhto politiijat čuovvolit ášši.
Dii. 06:15 Navdet fanasvuoddji gárremiin ja áigot čuovvolit ášši.