Politiijat leat doallan promilladárkkistemiid ja šaddan bissehit feastta sotnabeaivvi čuovganeamis.
Diibmu 01:56 bođii diehtu ahte politiijat Hámmerfeastta guovddážis bissehedje biilla. Vuoddjis lei positiiva gárreniskkus. Dárbbašlaš iskosat leat sihkkarastojuvvon. Ášši álggahuvvo.
Politiijat leat čađahan promilladárkkisteami Svanvikas Mátta-Várjjagis. Guovttis dárkkistuvvon, eai lean reakšuvnnat.
Politiijat leat čađahan promilladárkkisteami Vuonnabađas. Guovttis dárkkistuvvon, eai lean reakšuvnnat.
Diibmu 02:25 bođii diehtu ahte politiijat leat fitnan muhtun čujuhusas Áronjárggas maŋŋel go ožžo dieđu feastarieja birra mii lea muosehuhttán guovllu ihkku. Feasta loahpahuvvui ja stobu eaiggát oaččui gohččuma leat jaskadin iđida rádjái.
Diibmu 02:38 bođii diehtu ahte politiijat leat leamaš olgobáikkis Álttá guovddážis maŋŋel go dieđihuvvui ahte guossi ja vákta leaba heibon. Guossi lei guođđán báikki ovdal go politiijat jovde. Politiijain leamaš oktavuohta goappaš beliiguin. Ii álggahuvvo ášši dán oktavuođas.
Diibmu 06:14 bođii diehtu ahte badjelaš 20-jahkásaš nisu Hámmerfeasttas biddjui ikte háldogiddagassii go lei badjelmeare gárremiin ja árvvoštallojuvvui ahte ii sáhte váldit vára alddis.
