Norgalaš kirku dieđiha preassadieđáhusas ahte preses Helga Haugland Byfuglien, gii lea leamaš Bismaráđi preses 2011 rájes, heaitá. Son doallá su maŋimuš ipmilbálvalusa ođđajagemánu 26. beaivvi 2020.
Norgga kirku dieđiha preassadieđáhusas ahte preses Helga Haugland Byfuglien, gii lea leamaš Bismaráđi preses 2011 rájes, lea dieđihan son guođđá presesvirggi.
Son doallá iežas maŋimuš ipmilbálvalusa ođđajagemánu 26. beaivvi 2020.
– Geassemánu 2020 deavddán 70 jagi ja mun lean mearridan heaitit ovdal go olahan ahkerájá. Mun heaittán presesin bismáčoahkkimis 2020 guovvamánu. Odne lean sádden iežan eretcealkima Kirkoráđđái. Mun lean maid dan dieđihan eará bismmaide, Nidaros bismaduopmoráđđái ja Nidaros duopmoproavása bargovehkii, lohká Byfuglien.
Son lei Borg bismmagotti bisma ovdal go šattai Norgga kirku vuosttaš presesin fástavirggis 2011:s.
